Xa están aquí os exames da primeira avaliación e, para que ninguén se despiste, velaí van as datas dos exames de Física e Química:
3° ESO A: Xoves 14 de decembro
3° ESO B: Venres 15 de decembro
4° ESO: Venres 15 de decembro
1° Bacharelato: Martes 12 de decembro
2° Bacharelato:(FÍSICA) Martes 12 de decembro
(QUÍMICA) Venres 15 de decembro
Moito ánimo a tod@s !
domingo, 10 de decembro de 2017
venres, 24 de novembro de 2017
Cursos de Física e Química en Edmodo
Xa están dispoñibles os cursos de Física e Química na plataforma educativa Edmodo. A través dos mesmos, compartiremos exercicios, recursos educativos e ligazóns e proporanse asignacións e debates. Ademais, pretende ser unha vía de comunicación cotiá entre nós para calquera tipo de consulta ou información sobre asuntos a académicos.
Podedes acceder na web ou instalar a aplicación móbil.
Se non tedes conta, podédesvos rexistrar con usuario e contrasinal ou coa vosa conta de Microsoft ou Google. O código de cada curso foi compartido na clase. Así que, xa sabedes, unídevos canto antes para sacar o maior proveito a esta interesante ferramenta que para ampliar o curso máis aló da aula.
martes, 26 de setembro de 2017
Celebramos o Día Europeo das Linguas
Hoxe é o Día Europeo das Linguas e, con tal motivo, na clase fixémonos eco dunha realidade presente no mundo da investigación científica: a multiculturalidade e a diversidade lingüística que predomina nos centros de investigación e a importancia capital que ten o dominio dos idiomas para a comunicación eficaz de ideas e coñecemientos entre investigadores e equipos de todo o mundo.
Como exemplo mencionamos os congresos Solvay e, en particular, o celebrado en 1927, por tratarse dunha das imaxes máis icónicas da Física ó reunir a un gran número de científicos ilustres, entre os que contaban polo menos seis idiomas maternos diferentes.
Tamén comentamos o seguinte artigo que pon o foco sobre a barreira idiomática na difusión e dispoñibilidade de estudios en publicacións científicas, tan necesaria para o progreso dese labor cada vez máis global que é a ciencia :
Artículo: Las lenguas siguen siendo un lastre para la ciencia global
mércores, 6 de setembro de 2017
Benvidos ao novo curso 2017-18!
O curso 2017-2018 está a piques de comezar…
Como adianto, convídovos a pensar sobre a importancia da física e da
química na vida diaria. Como xa sabedes, estas disciplinas adoitan ser vistas
como algo un tanto alleo á nosa realidade cotiá; porén, ambas están presentes
en case todo o que facemos polo que o seu dominio axudaravos a comprender
mellor todo o que nos rodea.
Velaquí unha xenial versión da táboa periódica que amosa as aplicación prácticas
dos elementos químicos. Foi deseñada polo físico estadounidense Keith
Enevoldsen.
Facede clic aquí para acceder á táboa interactiva (en inglés).
Non deixedes de visitar estas ligazóns para aprender a importancia da
física e na química nas nosas vidas:
Vémonos o venres, 15!
Subscribirse a:
Publicacións (Atom)